Transcription
1
Messeigneurs, les rebelles de Fraixinière, avec leurs adherans
2
en nombre de 80 ou cent, sont venus hier à La Roche bien
3
près de Pertuis Roustaing, hont saisis les prebstres
4
dudit lieu, leur hont faict passer la rivière à gay
5
et les hont faict porter tous ceulx de leurdit
6
nombre, sen sont servis de marrons et, en plus, hont
7
tué deux povres soldatz qui y passèrent sans y
8pancer et retenu le paquet qui [barré : y ] venoyt à vous
9
ou à monseigneur de Gordes, et menassent de plus fort.
10
Nous donrrons ordre de faire obeyr à ses consulz pour
11
mander gens aulx avenues. Ceulx de Valoyze hont
12
proumis au cappitaine Ferrus et à moy de y havoyr
13
mander pour tout le jour, tant à la Bastie que
14
Pertuis Roustaing, comme aussi font ceulx de
15
St Martin qui y doibvent jà estre et nous sont
16
venus demander seccours, de quoy je vous ay
17
bien volu avertir incontinant sans me donner
18
loyzir dhavoyr melheur escrivain que moy,
19
comme je ferey de tout ce que surviendra daussi
20
bon cueur que je desire vous obeyr parfaictement
21
et comme je prie le Createur vous donner,
22
messeigneurs, en prosperité vie longue. De Briançon, ce
23
XVIe fevrier 1574 à dix heures de matin.
24
Votre très humble et hobeissant
25
Serviteur
26
Chalhol